حكاية ابو علاء

احلى نكت سمعتها على ابو علاء

مره حسنى مبارك راح مدرسه ابتدائى فلما جت فتره الاسئله ولد رفع ايده
مبارك ساله اسمك ايه فقاله رامى فقاله ايه سؤالك يا رامى ؟
رامى : انا عندى اربع أسئلة
1- ليه انت رئيس بقالك 25 سنه ؟
2- لسه معينتش نائب ؟
3- ليه ولادك ماسكين كل حاجه فى البلد ؟
4- ليه مصر حالتها الاقتصاديه زفت و انت مبتعملش حاجه؟
ساعتها بالظبط رن جرس الراحه وبعد الراحه رجع مبارك وقال احنا كنا فين
بقى؟
مين عنده سؤال؟
ولد صغير تانى رفع ايده فمبارك سأله اسمك ايه قاله تامر فقاله سؤالك ايه
يا تامر ؟
تامر : انا عندى 6 اسئله
1- ليه انت رئيس بقالك 25 سنه ؟
2- لسه معينتش نائب ؟
3- ليه ولادك ماسكين كل حاجه فى البلد ؟
4- ليه مصر حالتها الاقتصاديه زفت و انت مبتعملش حاجه؟
5- ليه جرس الراحه رن ربع ساعه بدرى ؟
6- وبعدين فين رامى ؟؟؟؟؟؟
--------------------------------------
مبارك : عارف يا ابليس ياخويا, انا عاوز اعمل في الشعب المصري حركه تطلع
من نافوخهم
أبليس : طب هات ودنك وخد الفكره دي ....وش وش وش وش
مبارك : لالا يا ابليس الفكره دي مش نافعه , عاوز حاجه أشد
أبليس : طب خد دي ...... وش وش وش وش
مبارك : لالا , برضه مش نافعه , ايه يا ابليس انت بقيت خرع كده ليه , هات
بقه ودنك وانا اقولك انا نويت اعمل فيهم ايه
وش وش وش وش وش
ابليس : لا يا راجل حرام عليك

----------------------------------------
واحد اتحشر في زحمة المرور فلقى واحد بيخبطله على شباك السيارة
فتح الشباك و سأله عايز ايه
قاله : الرئيس حسنى مبارك خطفوه و الفدية 5$مليون دولار
و لو الفدية ماتدفعتش .. الخاطفين هددوا يدلقوا عليه بنزين و يولعوا فيه
و احنا بنجمع تبرعات .. تحب تشارك ؟
الرجل سأل: ' و في المتوسط الناس بتتبرع بكام'
الرجل الثاني : ' من 5 الى 10 لتر بنزين
------------------------------------
مرة سيادة الريس مد إيده في جيبه لقي 5 مليون جنيه !!
فزعل قوي وخاف وقال: إيه الفلوس دي الفلوس دي حرام؟
فسأل أحد مساعديه فدله على طريق الشيخ طنطاوي
رئيس الأزهر وقال له: اسأل الشيخ وهو يقول لك الحل .
ما كدبش خبر وجري على طنطاوي وحكا له القصة فرد :
5 مليون بس .. إيه النزاهة دي؟
دي بسيطة خالص يا ريس ما تزعلش نفسك؟
كل اللي هتعمله هتروح تستغفر ربنا بالطواف حوالين الكعبة، لفة لكل مليون
جنيه وخلاص .
الريس راح لقي عمنا صفوت فقال له: أنت بتعمل إيه هنا؟
أنت هتلف كام لفة؟
عمنا صفوت :78 لفة .
الريس: يخرب بيتك؟ ده أنت خربت البلد !!
عمنا صفوت: أنت جاي علي انا؟ روح شوف علاء ابنك جايب
موتوسيكل وبقاله 3 أيام بيلف
-------------------------------------
كان فى سرير المرض حينما أخذ يلقى بوصاياه الأخيرة
لوزيره نظيف :
- وصيتك الحكم من بعدى يا احمد ..
- فى رقبتى يا ريس .. كله تمام والسلطة هياخدها جمال ..
( ثم راح فى غيبوبة .. أفاق منها بعد قليل )
- وصيتك الشعب من بعدى يا احمد .
- ما تخافش يا ريس .. الشعب ياكل الزلط ...
( ثم راح فى غيبوبة .. أفاق منها بعد قليل )
- احمد
- نعم يا ريس؟
- ماتنساش .. توكيل الزلط لعلاء
-----------------------------------------
كان حسني مبارك بيخطب في الشعب .. فكل شويه واحد يقوم ويقول
عاش حسني مبارك موحد الاديان ويقعد
يروح حسني مكمل كلامه وشويه ويقوم الراجل
ويقول عاش حسني مبارك موحد الاديان
فااتمسك امن دوله وطااااااااخ ويقولوله ايه الي انت
بتقوله دا ازاي موحد الاديان
دي مصر فيها مسيحين ويهود ومسلمين وطااااااخ
فرد عليهم يا باشا ماهوه اللي مكفرنا كلنا
----------------------------------
بيقولك واحد تانى لقى الفانوس السحرى ودعكه طلعله العفريت
وقاله:شبيك لبيك تطلب أيه؟
قاله الراجل: أنا عايز كوبرى بين القاهره وأسوان
العفريت قاله: دى صعبه قوى . نقى حاجه تانيه
الراجل قاله:خلاص خلى حسنى مبارك يسيب الحكم
العفريت قاله:أنت عايز الكوبرى رايح جاى ولا رايح بس
--------------------------------
إخبرنى بصراحة يا نظيف ولا داعى للمجاملة أو النفاق .
نظيف : أمرك يا ريس
الريس : أنا الأفضل ولا عبدالناصر ؟
نظيف : انت طبعا يا ريس .. جمال مين اللى كان بيخاف من الروس !!
الريس : طيب أنا الأفضل ولا السادات ؟
نظيف : سادات مين ياريس اللى كان بيخاف من الأمريكان !!
الريس : طيب أنا الأفضل ولا عمر بن الخطاب ؟
نظيف : انت طبعا يا ريس .. عمر بن الخطاب كان بيخاف من ربنا . انت لا

شكلك عايز تقابل رامي

_________________
حكاية ابو علاء 61862110

أبـوروان

,
واحد صاحبي يسئلني ابو علاء ساب الأشراف لية......
جاوبت بسرعة خرج يوم الجمعة الساعة 7.30 يشتري ورقة بوسطة ومش راجع
شكلك لا هاتشوف رامي ولا تامر
شكلك بتتعبي مع الزلط

اخوانى المؤمن لا يجتمع فى قلبة خوفان لقولة سبحانة وتعالى "فلا تخافوهم وخافون ان كنتم مؤمنين"

وقولة عز وجل "فلا تخشو الناس واخشون" " وقال الله لا تتخذوا إلهين اثنين إنما هو إله واحد فإياي فارهبون"" واعلموا ان الله يعلم ما فى انفسكم فحزروة"

فا الخوف من الله سبحانة وتعالى اذا جاء القلب وسكن بة يحرق مواضع الشهوات فى الجسد ويطرد منة الدنيا واتذكر حديث ساروية لكم

عن أنس رضي الله عنه قال: كان رجل على عهد النبي صلى الله عليه وسلم يتجر من بلاد الشام إلى المدينة ولا يصحب القوافل توكلاً منه على الله تعالى... فبينما هو راجع من الشام عرض له لص على فرس، فصاح بالتاجر: قف فوقف التاجر، وقال له: شأنك بمالي. فقال له اللص: المال مالي، وإنما أريد نفسك. فقال له: أنظرني حتى أصلي. قال: افعل ما بدا لك . فصلى أربع ركعات ورفع رأسه إلى السماء يقول: يا ودود يا ودود، ياذا العرش المجيد، يا مبدئ يا معيد، يا فعالاً لما يريد، أسألك بنور وجهك الذي ملأ أركان عرشك، وأسألك بقدرتك التي قدرت بها على جميع خلقك، وأسألك برحمتك التي وسعت كل شيء، لا إله إلا أنت، يا مغيث أغثني، ثلاث مرات. وإذا بفارس بيده حربة، فلما رآه اللص ترك التاجر ومضى نحوه فلما دنا منه طعنه فأرداه عن فرسه قتيلا، وقال الفارس للتاجر: اعلم أني ملك من السماء الثالثة.. لما دعوت الأولى سمعنا لأبواب السماء قعقعة فقلنا: أمر حدث، ثم دعوت الثانية، ففتحت أبواب السماء ولها شرر، ثم دعوت الثالثة، فهبط جبريل عليه السلام ينادي: من لهذا المكروب؟ فدعوت الله أن يوليني قتله. واعلم يا عبد الله أن من دعا بدعائك في كل شدة أغاثه الله وفرج عنه. ثم جاء التاجر إلى النبي صلى الله عليه وسلم ، فأخبره فقال المصطفى صلى الله عليه و سلم : (( لقد لقنك الله أسماءه الحسنى التي إذا دعي بها أجاب، وإذا سئل بها أعطىصدق الرسول الكريم عليه افضل الصلاة والتسليم .... ..وفى النهاية ان لله وان له لرجعون ان غبت عليكم ستعرفون ما حدث ؟؟؟؟ وان لله وان الية لرجعون ولا حول ولا قوة الا بالله العليى العضيم

يا سلام على الفقه
هو الظهر كام ركعه يا ابو علاء
شكلك هيحطوك على 220 فولت

كدة ياأبو عــــــــــلاء اديك قابلت رامي

وكمان حكالك عن حكاية 220 فولت

المثل ياأبو عـــــــــــلاء بيقول

أسئل مجرب ولا تسئل طبيب

شكرا اوى يا مدير