bassam_co
لواء
عدد الرسائل : 1150
العمر : 40
تاريخ التسجيل : 04/03/2008
 |  موضوع: هاسيب شغلى وابيع قوطة  الخميس 20 يناير 2011 - 14:03 | |
| هاسيب شغلى وابيع قوطة
دى ناس واقفه بتتريأ ومبسوطه
وناس تانيه بتستغرب ومنقوطه
ليه
ده ساب شغله وباع قوطة
و هو يا عيني كان واقف ....... ووشه أحمر من القوطه
و قال ياجــــــــماعه سامحوني ....وقبل ما تيـــــــجوا تلوموني
تعالــــــوا أحكيلكوا أنا حكايتي..... وبعديها إبقوا حـــــــاكموني
سنــــين ضاعت في ثانــــــويه..... كفاح دامي وعــرق ودموع
وبعد المعركـــــــــه الحــــاميه..... قدرت أنجح وأجيب مجموع
أخيراً حلمى انـــــا إتحقق ..... هخش اللى كنت باحلم بيه
مصيرى خلاص كده اتحدد ..... من غير ماحد يلعب بيه
خلاص بقيت انـــــا مهندس ...... هاروح كليتى واتهنـــــدس
ضمنت دراستى ووظيفتى......ده أكيد مش هابيع ترمـــــــس
بطبيعتى هابقى متفــــوق ......وهاخـــــش بترول واتريـس
وهاحقق كل أحلامـــــــى ....... وإوعوا تقولوا انا مهيــس
في أول يوم لـــــــــبست جديد ......شايل حجاتى رحـت لاقيت
زمايلي إتحــشروا في مــدرج...... عامل ولا عــــــلبة الكبريت
و لسّه أنا برضه مايئستش
دخل دكتور قعد يشــــــــــرح .......كلام كــــان صعب ولاتيني
و أنا متنـــح ومـــش فــــــاهم ......لاقيت النــــــــوم غلب عيني
و لسّه أنا برضه مايئستش
و قلت مادام ضــــاع النظري...... هظبّــــــــط نفسي في العملي
جريت عـلى سكشنى بسرعه...... لكن كالـــــــــعاده خاب أملي
دخلـــــت لاقـــيت معيد واقف ..... ماسك فـ ايده شيت محلول
سألته سؤال ماجاوبنيش ..... وقاللى ما ترضى بالمقبول
و لسّه أنا برضه مايئستش
و طبــــــعاً حسّوا بظــــروفنا .......وحطّولنا إمتـــــحان فوازيـز
وكل أمّا آجي أحــل ســـــؤال....... أقف أدّامــــــه زي الــــــزير
و لسّه أنا برضه مايئستش
وجينا في لجنة الشـــــــــفوي....... وكان أدّامي واد كــــــــــوسه
خد الـدرجـــــــات مـن الدكتور..... وخد فوقهـــــــم كــمان بوسه
دخلت انا قام مكـــــــــشرلي ....... ومن أولــــــــها عقــــــــدني
سألني سؤال... ماردّيتشي........... خبطني الزيرو وطــــــردني
و لسّه أنا برضه مايئستش
سنه بتمشــي وســــنه بتيجي ........مقـــالـــب بعـــدها مقــــــالب
زمايلي إتعينوا و قبـــــــضوا .......و أنا شايـــــل لـــــــقب طالب
و لسّه أنا برضه مايئستش
كبـــــــرنا شـــويه وقــالولنا....... خلاص هاتطلعم رحلات
علميه وكمـــان عمليـــــه.......هانروح وهاندخل الـــــشركات
و رحنـــــــا نشوف وكالعاده ......دا كله بيطلع إشتــــــــــــــغالات
و لسّه أنا برضه مايئستش
بشوف الشاب من ســــــــني........ واقـــــــــف ويّا الصحاب مرتاح
و لــــو عديـــــت أنا يقولــوا........ راح الدحّـــاح وجه الدحّاح
و لسّه أنا برضه مايئستش
لحد ماخلصم الخمسه .... وقلت خلاص هروق وهعيش
و قبل ما أفوق من الصــدمه.... خدوني عشان أخـــش الجيش
و لسّه أنا برضه مايئستش
وقعت هناك في إيــــد ظابط ........ظغرلي وقال يا بســـــــــكوته
أحب أبـــــــــــشرك إنــــــك ........معـــــــايا هتطـــــــفح الكوته
و لسّه أنا برضه مايئستش
خلااااص الخمسة بقوا سته ........ ولسه أنا ماشي جنــب الحيط
و بان السن علــــــــى وشي ........و شعري إبيـــّض وإصلعيت
و لسّه أنا برضه مايئستش
وبعد ما قـــــلت كــــــــفاره ........خلاص هرتاحلى بقى كام يوم
واروح ادورلى على شغله ..... لو حتى فى شركة فى البدروم
و لسّه أنا برضه مايئستش
قررت ادق عـ الأبواب ....... بدل ما ادخل من الشبابيك
فوجئـــــــت يا عيني بموظف.......واقف عـ الباب ولابس شيك
بيقول تعالى سيب ورقك......وبكرة هانتصل بيك
و لسّه أنا برضه مايئستش
عدت أيام كتير وشهور.....نسيت العلم أنا فيــــــــــها
سمعت رنه التليفون.....انا روحى راحت بعديها
قاللى ياخويا صحى النوم.....عندك مقابله اجهز ليها
و لسّه أنا برضه مايئستش
آديني هاروح وهعمل أيـه؟؟........ ماليــــــــش ولا قوه ولا حولا
وحيد غلبان وحتى مافـــيش ........شغل وتعيين من الدوله
و لسّه أنا برضه مايئستش
ورحت الشركة زى ماقال ....... معايا اصحاب وناس تانيين
قابلت هناك واحد هيبه .......... رحب وقاللى متآنسين
سألنى وقال مفيش كوسه ........ وسبته واحنا متفقين
و لسّه أنا برضه مايئستش
وفجأه ياخويا وانا خارج ...... تصدق ساعتها بمين اتقابلت
ده كان الواد ابو الكوسه.... وقالى ياصاحبى انا اتعينت
خرجت خلاص وانا مقرر ....... مفيش شغل وهابيع قوطة
بتبص ليه ومستغرب ..........مادى حكايتى مع القوطة _________________ [center]  [/center] | |
|
mr/slc500
فريق أول
عدد الرسائل : 5693
العمر : 45
الموقع : EgyPt OlDeSt schOol in the wOrlD
العمل/الترفيه : عندما تنتفض الامة ستكون البيعة على تراب فلسطين
تاريخ التسجيل : 21/11/2010
| | موضوع: رد: هاسيب شغلى وابيع قوطة الخميس 20 يناير 2011 - 15:45 | |
| موضوع جميل
جزاك الله كل خير
| |
|
