صعيدي كان معاه ربع جنيه..

صعيدي كان معاه ربع جنيه..

ففكر يعمل بيه إيه..

يشرب عصير قصب و لا يركب الأتوبيس فقال :

أنا لو ركبت الأتوبيس هيبقي في حل من إثنين:

يإما هقف أو هقعد

لو وقفت مش هيبقي في أي مشكلة

لكن لو قعدت هيبقي في حل من إثنين:

يإما هيقعد جنبي راجل أو تقعد جمبي ست

أنا لوقعدت بجانب راجل مفيش مشكلة

لكن لو قعدت بجانب ست هيبقي فيحل من إثنين:

لإما هنعجب ببعض يإما مش هنعجب ببعض

لو مأعجبناش ببعض مفيش مشكلة

لكن لو أعجبنا ببعض هيبقي في حل من إثنين:

يإما هنتجوز يأما مش هنتجوز

لو مإتجوزناش مفيش مشكلة

لكن لو إتجوزنا هيبقي في حل من إثنين:

يإما هنخلف يأما مش هنخلف

لو مخلفناش مفيش مشكلة

لكن لو خلفنا هيبقي في حل من إثنين :

يإما هنخلف ولد أو بنت

لو خلفنا بنت مفيش مشكلة

لكن لو خلفنا ولد هيبقي في حل من إثنين:

يإما هيستقيم أو هينحرف

لو إستقام مفيش مشكلة

لكن لو إنحرف هيبقي في حل من إثنين:

يإما يدمن أو مش هيدمن

لو مأدمنش مفيش مشكلة

لكن لو أدمن هيبقي في حل من إثنين:

يإما هيبقي معاه فلوس أو معهوش

لو كان معاه فلوس مفيش مشكلة

لكن لو كان عايز فلوس هيبقي في حل من إثنين:

يإما هيسرقني أو هيقتلني

لو سرقني مفيش مشكلة لكن لو قتلني ..

... يقتلني ؟؟!!!!!!!!!

لا ياعم أنا أشرب عصير قصب أحسن

الاخ الكريم / ابو كريم

وحشتنا وحمدالله علي السلامة بعد الغياب

المهندس / حسن اجازة شهروفية حل من اتنين

يا اما هيعرف يدخل المنتدي او مش هيعرف

لو دخل مفيش مشكلة لو مدخلش فية حل من أتنين

ياأما انا هكلمة وأقولة الاخبار اية او هو يكلمني لكن لومعرفتش

في حل من الأتنين ياأما ناخد المنتدي ونروح لة او هو..................

لمن يعرف الحل علية ان يكمل ثم الأتصال بأدارة المنتدي

الموضوع دا ينفع قصه مسلسل تركى من 1500 حلقه بعنوان ( مهند ونور بين حل من اتنين)

بس المشكله هل فى تركيا عصير قصب او اتوبيس يتعرفو فيه وهل مهند اصله صعيدى ( ممكن يكون اسمه مهند الصعيدى) ياريت يا حضرة النائب تعملنا تعديل فى القصه شويه علشان نلحق نكلم مهند ونور قبل ما اى حد من منتدى تانى يمضى معاهم قصه مسلسل تانى

الزميل الفاضل ابو الدراويش شكرا



الزميل مهند ابو الدراويش وافق علي ان يقوم بدور مهند

ولكن فية حل من اتنين ياأما نجيب نور وأذا جبناها

فية حل من اتنين ياأما يتجوزا شرعي او عرفي

لو شرعي مفيش مشكلة اما لو كان عرفي فية حل من اتنين

ياأما نسافر تركيا ونزرع هناك قصب وعندهم اتوبيسات وممكن احنا نعمل الزحمة

بس لو سافرنا فية حل من اتنين الكتاب هيكون في مصر ...لو في مصر مفيش مشكلة

لكن لو رحنا تركيا في حل من اتنين ياأما نجيب نور من تركيا او ناخد نور من مصر

لو من مصر اظن فية مشكلة .... ولو من تركيا في حل من اتنين

نترككم مع بطل المسلسل مهند ابو الدراويش.....

مطلوب ابطال اخرين.... وفية حل من اتنين........

الحل ان الصعايده هيقتصوا من كل اللى بتريق عليهم يوم القيامه
على فكره علماء مصر القدامى صعايده
زى الامام السيوطى والامام ابن جرير الطبرى والامام محمد سيد طنطاوى وغيرهم كثير
قال تعالى(ياايها الذين امنوا لايسخر قوما من قوم)
جزاكم الله خيرا

الزميل الفاضل والأخ / ابو كريم





الزميل الباسم دائما / عصام رابح

لية أخذة الموضوع تريقة ولية مكنش حل من اتنين

ياأما الصعيدي بيفكر قبل ماياخد قراراو نيتك حاجة تانية

لوبيفكروا انت زعلت لية ولو حاجة تانية ربنا يسامحك

وكدة في حل من اتنين ياأما تعمل انت دور........

او تعمل دور وبكدة يبقي مفيش حلول (انت فاهم.....مع الأعتذار لكل الأعضاء)

ثانيا وهل معني ان الصعايدة منهم علماء دين افاضل يبقي ميصحش نتكلم عليهم طب لو كانوا علماء في فروع اخري يجوز....

وهل لما نكون بنداعب يبقي بنسخر وفين السخرية بلاش الحاجات دي احسن

تحياتي لكل الزملاء

ملحوظة: الزميل عصام هيذعل اكتر لما مش هخلية ولد خال مهند ابو درويش

اقراءها باللهجة الصعيدي

الزميل الفاضل / ابو الدراويش