احدث اجهزة تحليل الدم في العالم..

مرة واحد كان ماشي في الشارع وداس على قشرة موز‎..
وقع على الارض وايده اتعورت وانجرحت
فراح لأقرب دكتور ..

ولما دخل العيادة ‎.. قال للممرضه: أنا وقعت على يدي وانجرحت! وعاوز أشوف الدكتور!
قالت له الممرضه: عايزين عيّنة دم !!
استغرب الراجل وقال: عشان ايه عينة دم!!..
وايه دخل ايدي فى عينةالدم!!؟؟
الممرضه اتنرفزت وقالت له: براحتك!! لازم عينة دم عشان تدخل للدكتور.. هوة دة النظام مافيش دم .. يعني مافيش دكتور!

الراجل.. سلّم امره لله وقال مفيش مشكله.. وجاب لهم عينة الدم وسلمها للدكتور.
وبعد شويه نادى الدكتور على المريض..

و لما شاف المريض ابتسم وقال: واضح ان الوقعة كانت جامدة.. بس أطمن الجرح كويس وايدك سليمة! المريض استغرب ازاى عرف الدكتور دة كله؟؟وقاله: أكيد الممرّضة قالتلك!!
‎ رد الدكتور: لا أبدا،
‎تحليل الدم هو اللي بين كل حاجة‎..
اصل عندى جهاز جديد..الجهاز ده لتحليل الدم بالكمبيوتر ..
المهم‎ خذ المرهم دة وادهن منه على الجرح،‎ وبعد اسبوع تعالي تاني ومتنساش عينة الدم وانت جاى!!

رجع الراجل لبيته وف راسه الف سؤال...
مستغرب من الاختراع الجديد دة..
وقال لاولاده عن الموضوع وقعدوا يضحكوا عليه ويقولوا له ان دة نصاب كبير ومفيش حاجة اسمها تحليل دم بالكمبيوتر!
بعد اسبوع الجرح خف خالص وقرر يروح للدكتور

بس واحد من اولاده اقترح عليه ان يعملوا مقلب فى الدكتور عشان يكشفوه ويبينوا نصبه واحتياله..


‎ راح الولد وأخد عينة من دمه
على عينة من دم امه
على عينة من دم ابوه
وحط عليهم شوية من زيت عربية ابوه
على حبة عصير فراوله بايظه
وقال: خلينا نشوف بقى النصاب دة حايعمل ايه؟؟؟؟؟ وقعد يضحك




الرجل اخذ ( الدم الكوكتيل ) وراح للممرضه وادالها العينةوقعد يستنى...

وبعد نص ساعه تقريباً طلع الدكتور ماسك ورقة طويلة ‎..
قام الراجل وسال الدكتور وهو بيضحك ها طمنى يا دكتور على نتائج التحليل !!؟؟
‎ جاوبه الدكتور: واضح ان ايدك بقت تمام والحمد لله

بس في شوية نتائج غريبة!!؟
ابنك مدمن مخدرات..
ومراتك حامل...
وعربيتك محتاجه تغيير بوجيهات..
والفراوله اللي انت جبتها من عند ام عبير طلعت بايظه..
ابقى نقي الخضار كويس!!!!