eng_karem
عميد
عدد الرسائل : 883
العمر : 42
العمل/الترفيه : Site Engineer
تاريخ التسجيل : 05/04/2009
 |  موضوع: فوائد الحشيش  الخميس 8 أبريل 2010 - 4:34 | |
| هذة القصيدة للشاعر احمد فؤاد نجمنفسى فى صنف حشيش
ينمل الدماغ وينضف النخاشيش
علشان انسى طابور العيش
واخش فى الغيبوبه وانسى مشكلة الانبوبه
وانسى بلدنا المنهوبه
وانسى اللى بيجهزوه علشان يبقى رئيس للمخروبه
وابقى مسطول
وانسى اى مسئول
من اللى سابوا الناس فى السيول
وانسى ان نظيف اتجوز وبقى بيعول
وانسى مجلس الشعب وفتحى سرور
وانسى البرادعى وايمن نور
وانسى شوبير ومرتضى منصور
وانسى تعديل الدستور
وانسى اللى ساكنين فى القبور
وانسى انفلونزا الطيور
وانسى مشاريعنا الفاشله
فى توشكى وابو طرطور
واخش فى الاستهبال
وانسى علاء وجمال
وانسى التوريث
و النيل اللى نازلين فيه تلويث
وانسى ان منتخبنا كويس زى ماقال الريس
وانسى تصدير الغاز
واحناعندنا ازمة بوتاجاز
وانسى الاضهاد واللى بيحصل للاقباط
وانسى قطر العياط
وانسى قطر الصعيد
وانسى احمد عز واحتكار الحديد
وانسى زحمة المواصلات
وانسى الانتخابات
وانسى فتاوى الفضائيات
وانسى العشوائيات
وانسى فشل التعليم
وانسى هشام طلعت وسوزان تميم
وانسى الاهرام وانسى الاخبار
وانسى ثروة الريس ال40 مليار
اللى مش بالجنيه المعفن لا بالدولار
وانسى انه خلى بلدنا افقر من زنزبار
وانسى المعارضه وانسى الاحزاب
وانسى تامر حسنى وعمر دياب
وانسى مشكلة النقاب
وانسى ارضاع الكبير وشرب بول البعير
وانسى انفلونزا الخنازير
وانسى اوربا وامريكا وانسى الصين
المتقدمين عننا بسنين
وانسى البيت بيتك و تامر امين
وانسى ان كيلو اللحمه بقى بتمانين
وانسى اننا فى الزباله غرقانين
وانسى الماده سته وسبعين
والماده سبعه وسبعين
وانسى فريق الساجدين
وانسى الزمالك والاهلى
وانسى اليسا وهيفاء وهبى
وانسى الفول والطعميه
وازهى عصور الديموقراطيه
وجامعة الدول العربيه
والجماهيريه الليبيه
والكفيل فى السعوديه
وانسى بطرس غالى و الضريبه العقاريه
وانسى الطلعه الاولى الجويه
والمصالحه الفلسطينيه
وانسى فتح وانسى حماس
وانسى هنيه ومحمود عباس
وانسى العراق وافغانستان
وانسى ايران و انسى باكستان
وانسى ماما سوزان
وانسى الاخوان
وانسى محمد ابراهيم سليمان
وانسى ان حد من 0900 يطلع كسبان
وانسى انى مديون
وانسى ان كل واحد بيعتدى على كنيسه
بيطلعوه مجنون
وانسى كل ممثله حيزبون
بتاخد فى المسلسل كام مليون
وانسى ايامنا السوده
واحضان طنطاوى والبابا شنوده
وانسى القذافى والبشير
وانسى كل ملك وكل امير
اللى حاكمين من سنين
من غير تغيير
وعلشان اعرف ان الصنف كويس
لازم ارشح نفسى وابقى الريس | |
|
احمـــــــــد بشـــير
فريق أول
عدد الرسائل : 4007
العمر : 73
العمل/الترفيه : مدير جودة
تاريخ التسجيل : 04/03/2008
| | موضوع: رد: فوائد الحشيش الخميس 8 أبريل 2010 - 11:57 | |
| عندي ليك نوع من الحشيش
ايام وتبقي درويش ويبقالك ريش
وتنس الدنيا الكتعة وتعيش...
وتنس سوزان ولوزان...
وزكي رستم جتنا نيلة....
وتعمل فيها زكي شان...
ويمكن تركب الموجة وتاخد برشام
او تشم او تاخد سرنجة وكلة بكام
تمن صغير انك تنسي....
تنسي انك بني ادم وتشم عادم
وتقعد تتعازم وانت ملكش لازم
واجبليك حشيش ونقلبها قعدة تحشيش
وصرما نديها ونعيش
ونخاف من الباشا الأمين والشويش
وتفهم ازاي تتطبل ولا تغنيش
مواهبك مش موجودة
لا انت زي هيفا و نانسي مفيش
لوعايز تكون كون منافق
وأنسي وجع القلب ووافق
جاتك نيلة خت اية يامعارض
عاوز في الأخر قرش حشيش
مش هتلقي ومش هتعيش
انسي الفكر انسي الكلام
صفق هيص تعيش تمام
لا يجيلك برد ولا زكام
وتعالي نكتب ذي كدة اي كلام
يمكن ناخد نوبل ولا جايزة سلام
ويبعد عننا ايادي الأمن
والباشا يبلغ كلة تمام
| |
|
الصبرجميل
نقيب
عدد الرسائل : 192
تاريخ التسجيل : 02/08/2009
| | موضوع: رد: فوائد الحشيش الخميس 8 أبريل 2010 - 13:51 | |
|
دماغك واضح رايقة شوية
باين عليك واكل ملوخية
أو فرخة مطبوخة بتقلية
وقعدت بعد العصر تمخمخ
شكل كمان تعبان متدروخ
بس أوعى تضربلك حجرين
أو حتى حقنة وبرشامتين
ده العمر واحد مهما يطول
والرب نعمه تروح وتزول
يا عم أحمد انت كبير
وكمان كلامك كله عبير
بس المهم الناس تسمع
وودانها للخير تتوسع
ولا نانسي ولا هايفا هاتنفع
| |
|
