البيت مش بيتك

بمناسبة قانون الضرائب على العقارات

ده حرام عليكى بيتى ملكى تملكيه.. ده حرام عليكى شغل عمرى أو شقايا تسرقيه.. خَتّى عمرى ومات أبويا.. وخَتّى منى لما سابك برضه أخويا.. خَتّى فرحى.. وعز طرحى.. طب فكرينى أنا ختّ إيه؟.. يبقى ضهرى اللى انكسر.. أيام قضيتها فى السفر.. عشان أوفر كام جنيه.. وأصبر وأقول هانت خلاص.. والصبة بتهد الأساس.. وابنك يغلى فى الحديد.. أرجع وأبدأ من جديد.. ورجعت ليه؟..

بقى يوم ما جيت.. وبقالى بيت.. وحلمت ألمّ ولادى فيه.. عايزة ببساطة تحلبيه!!.. طب سيبى حتة فيقلبى منك.. لو جت مصيبة تنجدك وترد عنك.. ولاّ أقولك.. هاتى حد وحكّميه.. مين اللى جرّى النيل فى أرضك؟ مين اللى خضر لك فى زرعك؟.. مين اللى قالك إنه بانى؟ مين استلف لك لأجل رخصة للمبانى؟ مايكونش باابنى فيملك تانى!! والله ده إنت مغلبانى.. يمكن سؤال لو تفهميه.. يبقى نخلص.. هاتى م الآخر يا غالية واسمعيه.. البلد دى عاوزة إيه؟


منقول من جريدة المصرى اليوم